Lideri i Lëvizjes Vetëvendosje, kryeministri në detyrë, Albin Kurti e ka uruar Bedri Hamzën që një ditë më parë mori nën udhëheqje Partinë Demokratike të Kosovës.
“I shpreh urimet e mia z. Bedri Hamzës për zgjedhjen e tij në detyrën e kryetarit të Partisë Demokratike të Kosovës”, ka shkruar Kurti, teksa ka thënë se bashkëpunimi i ndërsjellët i spektrit të gjerë politik, çdo herë në të mirë të interesit publik, janë parime themelore për funksionimin dhe avancimin e shtetit.
Tutje, lideri i Vetëvendosjes, ka thënë se ai do të vazhdojë angazhimin për bashkëpunim korrekt, në përputhje me vullnetin e qytetarëve, dhe me përgjegjësitë që thotë se ua kërkon shërbimi ndaj Republikës.
“Proceset zgjedhore brenda partisë, por edhe bashkëpunimi i ndërsjellët i spektrit të gjerë politik, çdo herë në të mirë të interesit publik, janë parime themelore për funksionimin dhe avancimin e shtetit tonë. Nga ana ime, do të vazhdoj angazhimin për bashkëpunim korrekt, në përputhje me vullnetin e qytetarëve, dhe me përgjegjësitë që na i kërkon shërbimi ndaj Republikës”, ka shkruar Kurti, në urimin e tij për Hamzën që të hënën u zgjodh kryetar i ri i PDK-së pas dorëheqjes së Memli Krasniqit.
