E mërkura është dita e fundit sipas afatit kushtetues që mandatari i dytë për krijimin e qeverisë, Glauk Konjufca, duhet t’i paraqesë Kuvendit të Kosovës për votim kabinetin e ri qeveritar.
Presidentja e Kosovës, Vjosa Osmani nuk ka dashur ta paragjykojë se çfarë do të ndodhë nesër, kur u pyet nëse do të dështonte krijimi i qeverisë së re a do të flasë me partitë për zgjatjet buxhetore.
“Nuk mund ta paragjykoj çfarë do të ndodhë nesër në seancë, por vetëm në rast se nuk ka sukses, atëherë është e domosdoshme që ne të flasim për miratimin e zgjatjeve buxhetore, sepse duhet të sigurohemi që qytetarët tanë, jo vetëm dhjetëra mijëra shërbyes civil, por edhe shumë e shumë shërbime që paguhen nga buxheti i shtetit të mos bllokohen”, tha Osmani.
E para e shtetit theksoi se një situatë e tillë nuk i ka ndodhur Kosovës asnjëherë, e kjo sipas saj do të ishte një situatë kritike.
“Një situatë e tillë nuk i ka ndodhur Kosovës asnjëherë , do të ishte një situatë kritike. Po flasim për nevojat më bazike të qytetarëve tanë të cilat mund të bllokoheshin në rast se nuk kemi zgjatje buxhetore deri në fund të rastit, kështu që natyrisht është temë q do ta diskutojë me partitë në rast se ndodhë ajo që e përmendët ju, por siç e thash nuk mund të paragjykojmë se cili do të jetë rezultati nesër, ta pas votimit
