Partia Demokratike e Kosovës (PDK) dhe Aleanca për Ardhmërinë e Kosovës (AAK) kanë konfirmuar për RTK se nuk do të marrin pjesë në seancën e parë të Kuvendit.
Një nga pikat kryesore të rendit të ditës të seancë së parë, do të jetë çështja e financimit të Radio Televizionit të Kosovës (RTK) dhe miratimi i buxhetit për komunën e Prishtinës, Gjilanit dhe Zubin Potokut.
Vlora Çitaku nga PDK tha se nuk do të marrin pjesë në seancën e parë. Ajo sqaroi se para seancës do të mbajnë konferencë për shtyp .
“Sot kemi pasur mbledhjen e Grupit Parlamentar bashkë me kryetarin Hamza, dhe ne nuk do të marrim pjesë në seancën e parë. Para fillimit të seancës do te mbajmë konferencë pre shtyp”, ka thënë Vlora Çitaku.
Ndërsa Kushtrim Xhemaili nga AAK njoftoi se në seancën e dytë do të votojnë kundër.
“Nesër nuk marrim pjesë në seancën e parë, në të dytën votojmë kundër”, ka thënë Kushtrim Xhemaili nga AAK.
