Dronët rusë kanë goditur një ndërtesë banimi në qytetin e dytë më të madh të Ukrainës, Kharkiv, duke shkaktuar një zjarr, duke plagosur pesë persona dhe duke i detyruar autoritetet të evakuojnë banorët, raporton Reuters.
Dronët goditën dy lagje qendrore pas mesnatës – Slobidski dhe Osnovyanski.
Kryebashkiaku tha se një tjetër dron goditi zonën përpara një qendre mjekësore, duke plagosur një mjek dhe duke dëmtuar ndërtesën dhe makinat aty pranë.
Kharkiv, i vendosur rreth 30 km larg kufirit rus, i rezistoi me sukses pushtimit në fazat e hershme të pushtimit rus në shkurt 2022 dhe mbetet një objektiv i shpeshtë i sulmeve ajrore ruse.
Rusia pezullon përkohësisht fluturimet në aeroportin e Krasnodarit
Autoriteti rus i aviacionit civil Rosaviatsia tha se po pezullonte përkohësisht fluturimet në Aeroportin e Krasnodarit në Rusinë jugore për të garantuar sigurinë e fluturimeve.
Kanalet jozyrtare ruse dhe ukrainase të Telegram raportuan një seri shpërthimesh në të gjithë rajonin e Krasnodarit, ku ndodhen terminali i naftës Novorossiysk dhe rafineria Ilsky.
