Kombinimi i salcës franceze për sallatë dhe kolas do ta zbutë, do t’i japë shije dhe do ta karamelizojë mishin njëkohësisht dhe do ta bëjë atë tepër lëngshëm dhe plot shije.Nëse doni të provoni veten dhe të bëni hamburgerë më të mirë se kurrë më parë, kjo recetë do t’ju zbulojë një truk të pazakontë, por të provuar, për hamburgerët më lëngshëm. Kombinimi i salces franceze per sallate dhe kola-s do ta zbutë, do t’i japë shije dhe do ta karamelizojë mishin njëkohësisht dhe do ta bëjë atë tepër lëngshëm dhe plot shije.
Do të zbuloni se si t’i bëni këto hamburgerë në recetën më poshtë, dhe ndoshta dini si t’i mblidhni vetë në hamburgerë, por ne po ju sjellim disa sugjerime për shtesa. Shijojeni dhe mos harroni t’ua tregoni miqve, fqinjëve, familjes… të gjithëve.
Hamburgerë me kola – përbërësit:
- 1 vezë e madhe
- 120 ml kola, e ndarë
- 50 g kreker të kripur të shtypur
- 6 lugë gjelle salcë franceze për sallatë, të ndara
- 2 lugë gjelle parmixhano të grirë
- 1/4 lugë çaji kripë
- 700 g mish viçi të grirë
- 6 simite për hamburger, të prera përgjysmë
- Përveç kësaj: sallatë jeshile, domate, qepë, trangull turshi dhe kackavalle në feta
Hamburgerë me kola – përgatitja:
- Në një tas të madh, përzieni vezën, 60 ml kola, krikeret e shtypura, 2 lugë gjelle salcë sallate, djathin parmixhano dhe kripën. Shpërndani mishin e viçit mbi përzierje dhe përzieni ngadalë.
- Formoni gjashtë qofte me trashësi rreth 1.2 cm.
- Në një tas të vogël, përzieni kola-n e mbetur dhe salcën e sallatës. Lëreni mënjanë.
- Gatuajini qoftet në zjarr mesatar, 3 minuta nga secila anë. Lyejini me përzierjen e kola-s dhe salcës së sallatës. Vazhdoni gatimin për 6-8 minuta të tjera, duke i kthyer herë pas here dhe duke i lyer me përzierjen e kola-s dhe salcës.
- Mblidhni hamburgerët, shtoni perime dhe djathë sipas dëshirës dhe shijojini.
