Presidentja e vendit, Vjosa Osmani bashkë me të ngarkuarën me punë në Ambasadën Amerikane në Prishtinë, Anu Prattipati, kanë kremtuar Festën e Falënderimeve në kampin Bondsteel.
E para e shtetit shprehu mirënjohjen për ushtarët amerikanë që kanë qenë gjithmonë pranë Kosovës, “në ditët më të vështira dhe në ditët më të mira për popullin tonë.”
“Sot, në Festën e Falënderimeve, pata nderin t’u bashkohem sërish në kampin Bondsteel për t’ua shprehur mirënjohjen tonë për kontributin e tyre për paqe dhe siguri në Kosovë dhe përtej.” – ka shkruar Osmani.
