Bashkimi Evropian ka thënë se ka investuar në Kosovë 3.7 miliardë euro nga viti 1999.
“Me 3.7 miliardë euro të investuara në Kosovë që nga viti 1999, BE është ofruesi më i madh i ndihmës financiare dhe partneri juaj më i fortë dhe më i besueshëm”, kanë shkruar në facebook.
Më tej ata kanë thënë se mbështetja e BE-së po bën ndryshime për jetën e njerëzve.
“BE-ja po ndihmon në zhvillimin e ekonomisë, forcimin e sundimit të ligjit, përmirësimin e cilësisë së arsimit , kujdesit shëndetësor dhe infrastrukturës, avancimin e mbrojtjes së mjedisit dhe energjisë së qëndrueshme dhe promovimin e kulturës”, vazhdon postimi.
