Ministri rumun i Mbrojtjes, Ionut Mosteanu, dha dorëheqjen sot, pasi pranoi se kishte gënjyer në CV-në e tij në lidhje me studimet e tij universitare. Dorëheqja e erdhi pas publikimit të një artikulli në gazetën Libertatea që thoshte se CV-ja e tij përmbante informacione të pasakta në lidhje me kohën kur u diplomua dhe nga cili universitet. Përmes një reagimi ministri kërkoi falje dhe pranoi se veprimi tij ishte gabim.
“Në CV-në që e përpilova me nxitim në vitin 2016 bazuar në një model të gjetur në internet, ka një gabim që e pranoj se më shqetëson. Nuk u kushtova vëmendje të mjaftueshme këtyre detajeve në atë kohë”, shkroi ai në Facebook.
Mosteanu u emërua ministër i mbrojtjes në qershor, kur u formua një qeveri e re pro-evropiane pas muajsh trazirash politike.
Në vend të tij kryeministri Ilje Boložan tha se do të propozojë Ministrin e Ekonomisë dhe Turizmit, të marrë përkohësisht portofolin e Ministrit të Mbrojtjes
