Në ditën e flamurit kombëtar në Orllan ngritet obelisku me emrat luftëtarëve të lirisë

Në kuadër të kremtimit të 28 Nëntorit, Ditës së Flamurit, sot në fshatin Orllan , komuna e Podujebës, u përurua pllaka përkujtimore kushtuar dëshmorëve të kombit nga kjo anë dhe martirëve të lirisë, e cila mban të gdhendur emrat e tyre në nder të sakrificës për atdheun. Ngritja e kësaj pllake përkujtimore u realizua falë kontributit material nga donatori Vesel Hamiti. Ideja për ngritjen e njo promemorje të tillë erdhi nga një këshill inicues i fshatit Orllan në përbërje të Bajram Pajazitit, vllau i heroit Zahir Pajaziti, Afrim Haliti, Vesel Hamiti, Ismet Halimi, Naim Bajrami, Rexhep Zeka dhe Afrim Nura. Me këtë rast u mbajt edhe një program muzikor me rapsod të kësaj ane. S. AHMETI