Kosova po përballet me një rënie të dukshme të natalitetit. Sipas një raporti të ri nga Banka Evropiane për Rindërtim dhe Zhvillim (BERZH), “Tranzicioni 2025-26: Një Botë më e Vjetër dhe më e Guximshme”, Kosova po përballet me rënien më të madhe të popullsisë në të gjithë rajonin postkomunist.
Emigrimi afatgjatë tashmë po shkakton dëme serioze në rritjen ekonomike, tregun e punës dhe stabilitetin fiskal në këto vende*.
Ekspertët e BERZH-it paralajmërojnë se dinamika të tilla demografike po shndërrohen në një “pengesë të konsiderueshme ekonomike”, duke ndikuar negativisht në produktivitet, investime dhe forcën punëtore.
Pavarësisht një shkalle natyrore të rritjes së popullsisë prej 40%, largimi masiv i të rinjve vazhdon ta zvogëlojë ndjeshëm popullsinë e përgjithshme.BERZH-i e rendit Shqipërinë dhe Kosovën ndër ekonomitë më të cenueshme, me potencialin e tyre të rritjes të dëmtuar rëndë në krahasim me vendet me popullsi në rritje, si Turqia dhe Egjipti. Banka këmbëngul se emigrimi masiv do të vazhdojë të pengojë progresin ekonomik nëse nuk merren masa urgjente për të rritur produktivitetin, për të promovuar investimet teknologjike, për të forcuar kapitalin njerëzor dhe për të përmirësuar klimën e biznesit. Sipas të dhënave të fundit, rreth 1 mijë e 500 foshnje kanë lindur më pak këtë vit krahasuar me vitet e mëparshme.
Mbase shtrenjtimi i qumështit dhe gjendja e përgjithshme ekonomike është një nga faktorët e rënies së natalitetit në Kosovës. Sipas raportit përfundimtar, popullsia rezidente e Kosovës në vitin 2024 arriti në 1,585,566 banorë.
