Trupa shumëkombëshe të Komandës Rajonale West (RC-W) t[ KFOR-it morën pjesë në garën ushtarake “Best Ushtary Competition”, e cila u zhvillua në Camp Villagio Italia në Pejë.
Ngjarja mblodhi së bashku ushtarë nga i gjithë KFOR-i në një kompeticion dinamik sportiv-ushtarak, i cili synonte testimin e aftësive fizike, taktike dhe qëndrueshmërisë së pjesëmarrësve.
Gjatë sfidës, ushtarët përballuan një marshim 15 kilometra me pajisje të plota luftarake, si dhe aktivitete të tjera intensive, përfshirë vrapimin, ushtrimet kalistenike, prova të qëndrueshmërisë dhe detyra taktike thelbësore. Këto detyra përfshinin hedhje granate, reagim ndaj situatave CBRN, furnizim logjistik, kalim të terreneve të pjerrëta dhe traversa Tiroleane, si edhe qitje.
Performanca e ushtarëve u vlerësua si shembull i vendosmërisë, disiplinës dhe frymës së lartë të bashkëpunimit, duke reflektuar vlerat e përbashkëta që udhëheqin misionin e KFOR-it në Kosovë.
KFOR-i theksoi se vazhdon të zbatojë mandatin e tij sipas Rezolutës 1244 të Këshillit të Sigurimit të OKB-së, duke kontribuar në një mjedis të sigurt dhe të qetë për të gjithë qytetarët e Kosovës dhe duke garantuar lirinë e lëvizjes. Misioni operon në koordinim të ngushtë me Policinë e Kosovës dhe EULEX-in, secili në rolin e tij si reagues i sigurisë.
