Policia Rajonale e Ferizajt njofton se ka ndërmarrë një sërë aktivitetesh për parandalimin e aksidenteve në komunikacionin rrugor dhe rritjen e sigurisë së përgjithshme në rrugët e rajonit. Gjatë javës së kaluar, njësitet policore kanë realizuar kontrolle të shtuara në zonat urbane dhe rurale, me fokus të veçantë tek parregullsitë që shkaktojnë aksidente.
Gjatë kësaj periudhe, policia ka shqiptuar gjithsej 1.476 gjoba për kundërvajtje në komunikacion. i dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik.
Në lidhje me sigurinë rrugore, janë evidentuar 39 aksidente, prej të cilave 21 me të lënduar dhe 18 me dëme materiale. Në disa raste, shkak i aksidenteve ka qenë mosrespektimi i rregullave të qarkullimit, pakujdesia gjatë ngjarjes dhe shpejtësia mbi limitet e lejuara.
Policia e Ferizajt u bën thirrje të gjithë pjesëmarrësve në komunikacion që të respektojnë rregullat e qarkullimit rrugor, të vozisin me kujdes dhe të shmangin çdo veprim që rrezikon sigurinë e tyre dhe të të tjerëve.
Drejtoria Rajonale e Policisë në Ferizaj, thotë se do të vazhdojë me ndërmarrjen e masave të rregullta dhe atyre të shtuara në funksion të rritjes së sigurisë rrugore dhe parandalimit të aksidenteve.
