Ministria e Mbrojtjes e Turqisë tha të enjten se kanë filluar punimet për ndërtimin e nëndetëses së parë të ndërtuar në vend (MILDEN), duke shtuar se Ankaraja gjithashtu përfundoi shitjen e parë të një anijeje luftarake korvetë një aleati të NATO-s, duke nënshkruar një marrëveshje me Rumaninë.
Turqia, e cila ka rritur prodhimin e industrisë së mbrojtjes dhe ka zvogëluar varësinë nga furnizuesit e huaj, tha javën e kaluar se kontraktorët kishin filluar ndërtimin e shkatërruesit vendas të mbrojtjes ajrore TF-2000. Ai do të jetë pjesë e sistemit të planifikuar shumështresor të mbrojtjes ajrore ” Kupola e Çelikut “.
Në njoftimin e saj javor, ministria turke tha se kompania ASFAT që operon nën juridiksionin e saj nënshkroi një marrëveshje me Ministrinë rumune të Mbrojtjes për eksportin e një korvete të lehtë Akhisar, duke shënuar shitjen e parë të tillë nga Turqia te një aleat i NATO-s.
“Pas ndërtimit të bllokut të parë të shkatërruesit të mbrojtjes ajrore TF-2000 në Drejtorinë e Kantierit Detar të Stambollit, në Drejtorinë e Kantierit Detar të Golcukut ka filluar ndërtimi i bllokut të parë të provës së Nëndetëses sonë Kombëtare (MİLDEN)”, shtoi ai.MILDEN është një nëndetëse dizel-elektrike me një zhvendosje prej afërsisht 2,700 tonësh dhe një gjatësi mbi 80 metra.
