Një 19 vjeçar ka mbetur i lënduar pasi është goditur me mjet të mreshtë nga një 13 vjeçar në Prizren.
Ngjarja ka ndodhur saktësisht pranë shkollës fillore “Emin Duraku”
“Policia ka dalë menjëherë në vendngjarje dhe nga të dhënat e mbledhura është mësuar se pas një zënke ndërmjet dy të rinjve, njëri prej tyre, mashkull 13-vjeçar, e ka goditur me një mjet të mprehtë viktimën, mashkull 19-vjeçar”, ka konfirmuar për RTKlive zëdhënësi i Policisë për rajonin e Prizrenit, Shaqir Bytyqi.
I lënduari është dërguar në Ndihmën e Shpejtë të qytetit dhe ndodhet jashtë rrezikut për jetë. Për rastin është njoftuar prokurori i shtetit dhe, në bashkërendim me të po vazhdojnë hetimet për sqarimin e plotë të rrethanave.
