Dogana e Kosovës ka njoftuar se në pikëkalimin kufitar në Han të Elezit, zyrtarët doganorë kanë ndaluar një automjet për verifikim të detajuar dhe me këtë rast janë zbuluar dhe sekuestruar para në vlerë prej 295 mijë e 270 euro, të padeklaruara dhe të fshehura brenda veturës.
“Shuma e parave është konfiskuar në përputhje me procedurat ligjore, ndërsa rasti është referuar për hetime të mëtejshme. Dogana e Kosovës mbetet e përkushtuar në forcimin e kontrollit kufitar dhe parandalimin e kontrabandës dhe veprimtarive të tjera të paligjshme, me qëllim të mbrojtjes së sigurisë dhe interesave të vendit”, ka njoftuar Dogana.
