Miq, kolegë dhe familjarë nderojnë jetën dhe veprën e ish-boksierit legjendar, Nazif Gashi.
Fjalë mirënjohjeje nga përfaqësues të sportit dhe familja e Gashit, derisa trashëgimia e tij mbetet frymëzim për gjeneratat e reja të sportit kosovar.
Varrimi i të ndjerit bëhet sot në Arbëri në orën 14:00, ndërkaq, të enjten KOK-u do të organizojë mbledhje komemorative, e cila do të mbahet në sallën e kuqe të Pallatit të Rinisë, me fillim në orën 10:00.
Nazif Gashi, njëri prej emrave më të mëdhenj të historisë së sportit të Kosovës, vdiq dje. Gashi, 74-vjeçar, ka pasur një karrierë të pasur si boksier.
