Agjencia Kosovare e Privatizimit (AKP) do të organizojë një aksion humanitar për dhurimin e gjakut nga zyrtarët e saj, në bashkëpunim me Qendrën Kombëtare të Transfuzionit të Gjakut të Kosovës (QKTGjK).
Aktiviteti do të mbahet në ambientet e zyrave të AKP-së në Prishtinë.
Ky aksion ka për qëllim mbështetjen e nevojave të vazhdueshme për gjak të QKTGjK-së, si dhe ngritjen e vetëdijes për rëndësinë e dhurimit vullnetar të gjakut.
Përmes kësaj nisme, AKP synon të kontribuojë drejtpërdrejt në shpëtimin e jetëve dhe forcimin e solidaritetit shoqëror.
