Sipas informacioneve jozyrtare te portalit tone, viktimat jane nje burre e nje grua nga aksidenti qe ndodhi sot heret ne mengjes ne autostraden Beograd – Nish, jane nga fshati Mateç i Kumanoves, transmeton Faktiditor.info
Sipas informacioneve jozyrtare viktimat jane nga nje familje e nderuar e nje profesori me iniciale (L.A) nga fsh.Mateç.
Një aksident trafiku, në të cilin humbën jetën dy persona dhe një tjetër u plagos, ka ndodhur në autostradën Beograd–Nish, pranë nyjës Umçarit.
Siç mësohet, aksidenti ka ndodhur kur një automjet ka dalë nga autostrada, është përplasur me gardhin mbrojtës metalik dhe më pas me një shtyllë reflektuese.
Në vendngjarje është konstatuar vdekja e dy personave, një burri dhe një gruaje (shoferi dhe bashkëudhëtarja në karrigen e përparme), ndërsa udhëtari tjetër është dërguar në Qendrën e Urgjencës.
Ata udhëtonin me një automjet të markës Seat me targa gjermane dhe bëhet fjalë për shtetas të Maqedonisë së Veriut, me origjinë shqiptare, të cilët, sipas dyshimeve, po udhëtonin nga Gjermania drejt Maqedonisë së Veriut për pushime.
Shkaku i këtij aksidenti do të përcaktohet gjatë hetimeve; dyshohet se shoferi, me shumë gjasë për shkak të lodhjes, ka rënë në gjumë dhe për këtë arsye automjeti ka dalë nga rruga.
Në vendngjarje kanë qenë të angazhuar pjesëtarë të policisë rrugore, ekipet e ndihmës së shpejtë dhe zjarrfikësit–shpëtimtarë, të cilët nga automjeti i shkatërruar rëndë kanë nxjerrë personin e plagosur rëndë, si dhe trupat e dy viktimave.(INA)
