Njësitet e Stacionit Policor Veriu në Prishtinë, në bashkëpunim me Sektorin e Hetimeve të Kryeqytetit, kanë realizuar sot një operacion policor, i cili ka rezultuar me arrestimin e një personi të dyshuar.
Gjatë operacionit, Policia e Kosovës ka lokalizuar dhe sekuestruar një veturë që ishte në kërkim ndërkombëtar nga autoritetet suedeze. Rasti është duke u trajtuar nga njësitet kompetente policore.
Po ashtu, gjatë kontrollit ndaj të dyshuarit janë gjetur dhe sekuestruar dy armë zjarri, si dhe municion përkatës.
Me vendim të Prokurorit të Shtetit, ndaj personit të arrestuar është iniciuar rast penal për veprën penale “Mbajtje në pronësi, kontroll ose posedim të paautorizuar të armëve”.
