Disa të pandehur pretenduan në gjykatë se komentet e tyre kishin për qëllim humorin ose satirën.
Dhjetë persona janë shpallur fajtorë për ngacmim kibernetik ndaj Zonjës së Parë Franceze , Brigitte Macron , raporton Sky News .
E gjitha filloi për shkak të pretendimeve të rreme se gruaja e presidentit francez është një person transgjinor, i cili ka lindur burrë.
Të pandehurit, tetë burra dhe dy gra të moshës midis 41 dhe 60 vjeç, u akuzuan për postimin e komenteve të shumta dashakeqe dhe transfobike në internet në lidhje me gjininë dhe seksualitetin e Brigitte Macron.Ata gjithashtu u përpoqën ta lidhnin atë me pedofilinë për shkak të diferencës në moshë prej 24 vitesh midis saj, e cila është 72 vjeç, dhe bashkëshortit të saj Emmanuel Macron , i cili është 48 vjeç. Çifti është i martuar që nga viti 2007 dhe u takuan në shkollën e mesme, ku ai ishte nxënës dhe ajo ishte mësuese.Disa të pandehur pretenduan në gjykatë se komentet e tyre kishin për qëllim humorin ose satirën dhe thanë se nuk e kuptonin pse po ndiqeshin penalisht, përfundon Sky News .
