Presidentja e Republikës së Kosovës, Vjosa Osmani, është takuar me komandantin e misionit të KFOR-it, gjeneralin Ozkan Ulutash, me të cilin ka diskutuar për çështjet e sigurisë dhe bashkëpunimin e vazhdueshëm me NATO-n.
Gjatë takimit, presidentja Osmani e ka falënderuar komandantin Ulutash për lidershipin e tij dhe për rolin e rëndësishëm që KFOR-i vazhdon të luajë në garantimin e sigurisë për të gjithë qytetarët e Kosovës, pa dallim.
Ajo ka theksuar se siguria garantohet me angazhim të përditshëm dhe partnerë të besueshëm.
“Bashkëpunimi i ngushtë me NATO-n mbetet thelbësor për ruajtjen e paqes dhe sigurisë në Kosovë e rajon, e në veçanti përballë veprimeve të vazhdueshme destabilizuese të Serbisë”, ka shkruar Osmani në Facebook.
