Dy yjet e futbollit kosovar me famë botërore, Granit Xhaka dhe Xherdan Shaqiri kanë shprehur solidaritetin e tyre me qytetarët e Kosovës pas situatës së rëndë të krijuar nga vërshimet e fundit në disa rajone të vendit.
Mesfushori i Sunderlandit dhe kapiteni i kombëtares së Zvicrës, Granit Xhaka, ka përdorur platformat e tij sociale për të dërguar një mesazh mbështetjeje për bashkëkombësit e tij në Kosovë.
Përmes një fotografie të shpërndarë në profilet e tyre zyrtare në Instagram, ku shihen pamje nga zonat e përmbytura dhe flamuri i Kosovës, ata kanë shkruar: “Pray for Kosovo” (Lutuni për Kosovën).
Ky gjest i futbollistëve vjen në një kohë kur disa komuna të Kosovës po përballen me dëme të mëdha materiale si pasojë e reshjeve të dendura të shiut, të cilat kanë shkaktuar vërshime dhe depërtim të ujit në shtëpitë e shumë banorëve.
Xhaka e Shaqiri, të cilët njihen për lidhjen e tyre të fortë me vendlindjen dhe për kontributin e vazhdueshëm në promovimin e Kosovës në arenën ndërkombëtare, kanë marrë reagime të shumta pozitive nga ndjekësit, të cilët e kanë vlerësuar lart ndjeshmërinë e tij në këto momente të vështira.
