Agjencia e Statistikave të Kosovës (ASK) ka publikuar Statistikat e Hotelerisë për muajin nëntor 2025, sipas të cilave në këtë muaj janë regjistruar gjithsej 57 548 vizitorë vendorë dhe të huaj në hotele, ku 42,8 % ishin vendorë dhe 57,1 % të huaj.
Sipas ASK-së, krahasuar me nëntorin e vitit 2024, kur numri i vizitorëve ishte 56 027, është shënuar një rritje prej 2,7 %. Gjatë kësaj periudhe janë realizuar gjithsej 120 210 net-qëndrime, prej të cilave 50,3 % nga vizitorët vendorë dhe 49,7 % nga vizitorët e huaj.
Numrin më të madh të vizitorëve te brendshëm në hotele e ka Rajoni i Pejës me 7 140 vizitorë dhe me 25 108 net-qëndrime.
Sa u përket vizitorëve të huaj, krahasuar me periudhën paraprake (Nëntor 2024) pati rritje të vizitorëve për 2,1 %. Në total, ishin 32 909 vizitorë të huaj nga të cilët numri më i madh është nga: Shqipëria, Turqia, Zvicra, Gjermania etj.
