Dy persona u vranë në një sulm ndaj një terminali nafte pranë fshatit Volna në Territorin Krasnodar të Rusisë, njoftoi sonte vonë guvernatori Veniamin Kondratyev.
“Terminali i naftës është aktualisht në flakë, katër rezervuarë me produkte nafte janë prekur. 29 njësi pajisjesh dhe 97 persona, përfshirë anëtarë të Ministrisë Ruse të Situatave të Emergjencave, janë vendosur për t’u përballur me pasojat”, tha Kondratyev.
Ai shtoi se kjo është nata e dytë radhazi që Krai Krasnodar është ekspozuar ndaj sulmeve. Natën nga e marta në të mërkurë, rafineria Afipski u godit nga një dron. Një zjarr shpërtheu në uzinë. Kjo është një nga rafineritë më të mëdha në jug të Rusisë, e cila ka qenë shënjestër e sulmeve me dronë edhe më parë. Zjarre u regjistruan atje pas sulmeve në shtator dhe nëntor të vitit të kaluar.
Ukraina i konsideron objektet ruse të energjisë si objektiva ushtarake, sepse ato financojnë drejtpërdrejt luftën e Rusisë kundër Ukrainës. Kievi kryen rregullisht sulme thellë brenda territorit rus me qëllim dobësimin e aftësive luftarake të Kremlinit.
