Faqja e Shtëpisë së Bardhë në rrjetin social X ka ndarë një fotografi të presidentit amerikan Donald Trump, i rrethuar me liderë të tjerë.
Prapa tij shihet edhe homologia e tij nga Kosova, Vjosa Osmani, e cila ishte ndër nënshkrueset e Kartës së Bordit të Paqes.
Presidentja e Kosovës, Vjosa Osmani, ka deklaruar pas nënshkrimit se Kosova e mbështet fuqishëm nismën e Bordit të Paqes, duke theksuar se përvoja e vendit në ndërtimin dhe ruajtjen e paqes mund të shërbejë si shembull për botën.
“Besoj fuqishëm në lidershipin e presidentit Trump dhe ekipit të tij. Kjo është për të shpëtuar jetë. [Paqja] nuk është gjithmonë e lehtë për ta arritur, por mund të mundësohet me bashkimin e të gjithëve”, ka deklaruar Osmani.
