Një burrë u gjet i vdekur në bagazhin e një makine të dielën në mëngjes në Glyfada te Greqise.
Ky është një burrë 80-vjeçar i cili pësoi plagë me thikë, ndërsa Policia Helenike ka arrestuar djalin e tij, 46 vjeç. Në fakt, 46-vjeçari kishte vrarë nënën e tij në mars të vitit 2014.
Trupi u gjet në automjetin e parkuar jashtë shtëpisë së familjes në rrugën Gytheio nr. 11 , ndërsa u gjet edhe thika.
Sipas asaj që është bërë e ditur, autori i krimit është vënë re nga një banor i zonës, i cili ka njoftuar Policinë Helenike dhe ka raportuar një incident në familje dhe plagosjen fatale të 80-vjeçarit nga djali i tij, i cili e ka vendosur në bagazhin e automjetit të tij.
Sa i përket autorit të krimit, sipas informacioneve, ai po përjetonte probleme psikologjike dhe pas vrasjes së nënës së tij (27 mars 2014), ai ishte lënë në paraburgim dhe ishte dënuar me 16 vjet burg.
Ai u lirua nga burgu në prill 2018 me kushte kufizuese, përfshirë paraqitjen në stacionin lokal të policisë, gjë që e ka bërë rregullisht deri më sot, ndërsa në 12 vitet e fundit nuk kishte pasur më probleme me autoritetet.
Sipas informacioneve, kur policia e arrestoi, ai dyshohet se u tha atyre: “Unë kam vrarë nënën dhe babanë tim, nëse më lini të lirë, do të vras edhe vëllezërit e motrat e mia”.
