Sipas njoftimit të Policisë, më 29 janar 2026, rreth orës 12:15, është raportuar se pranë një shkolle janë dëgjuar të shtëna me armë zjarri nga një automjet i tipit VW Golf.

Patrulla policore ka reaguar menjëherë dhe ka identifikuar automjetin e dyshuar, duke i dhënë sinjal për t’u ndalur.

Policia sqaron se i dyshuari nuk ka respektuar urdhrin e policisë dhe është larguar me shpejtësi.

Pas bastisjes së shtëpisë së tij ku nuk ka qenë i pranishëm, Policia ka ndjekur të dyshuarin i cili edhe është ndaluar.

“Pasi që i dyshuari ka ikur policia ka bastisur edhe shtëpinë e të dyshuarit, por ai nuk ka qenë aty. Në përfundim, i dyshuari është ndaluar, ndërsa arma një pistoletë me pesë fishekë, të cilën e kishte hedhur në tokë  është gjetur dhe sekuestruar”, thuhet në njoftim.

Policia ka njoftuar se  i dyshuari H.B. 21 vjeçar është intervistuar dhe me aktvendim të prokurorit është ndaluar për 48 orë

Ndaj tij janë iniciuar hetime dhe do të ngrihet kallëzim penal për veprat penale: “Mbajtja në pronësi, kontroll ose posedim të paautorizuar të armëve” dhe “Përdorim i armës”.