Ali Ahmeti, kryetar i Bashkimit Demokratik për Integrim, në fjalën e tij në seancën e Kuvendit të Maqedonisë së Veriut, mes tjerash, polemizoi me disa deputetë maqedonas, të cilët ishin kundër zgjedhjes së Talat XHaferit për kryeministër të vendit.
Ahmeti kujtoi se ‘Marrëveshja e Ohrit’ na bëri zot në vendin tonë, ku së bashku mund ta përmirësojmë gjendjen në vend.
“Jemi përpjekur për këtë vend për një të ardhme të vërtetë, ndonëse ka pasur fërkime me partnerë maqedonas, që këtë shtet ta çojmë përpara…Aq sa kam uruar Grubin, uroj dhe mbështes Bojanin, si zëvendëskryeministër të qeverisë së ardhshme”, deklaroi Ahmeti, derisa bëri thirrje që kjo qeveri të jetë kreative për të ardhmen.
Ai tërhoqi vërejtjen se në çfarë politikash duhet drejtuar vendi, se, sipas tij, situata në botë nuk është stabile dhe nuk duhet nënçmuar.
“Nëse jemi patriotë, vendin duhet ta orientojmë drejt Evropës, drejt anëtarësimit në BE, që rinia të jetojë në vendin e vet”, ka theksuar Ahmeti.
