Ish ambasadori, Blerim Canaj, ka thumbuar Qeverinë e Kosovës, për shkak të mos pagesës të mbrojtjes së ish kryeministrit Hashim Thaçi.
“Paralajmërimi i tërheqjes së avokatit të presidentit Hashim Thaçi, kreut të lirisë, formuesit e ndërtuesit të shtetit të Kosovës, për shkak të pamundësisë së pagesës dhe pastaj deklarimet e MD janë tregues i qartë për atë se çfar vlere ka për këtë qeveri/regjim liria që ne gëzojmë sot, çfar vlere ka shteti që ne kemi sot! Thjesht është një turp! Tekefundit, kjo nuk është lëmoshë. Është obligim ligjor. Është ligj i aprovuar nga 2/3 e deputetëve të kuvendit të Republikës së Kosovës. Largimi i avokatit, i cili në fakt mbronë lirinë e vendit, tregon edhe atë se sa ne vlejmë si shoqëri dhe sa e meritojmë atë që kemi sot e për të cilën kanë sakrifikuar njerëzit si Hashim Thaçi!
Duke pasur një qeveri/regjim të tillë që funksionon me urrejtje ndaj këtyre vlerave, atëherë mbetet obligim i çdo individi që sado pak ka ndjenjë për këtë vend, të jetë në përkrahje të vlerave të UÇK-së. E vlerat i bëjnë njerëzit”, ka shkruar ai. /Kosovatimes/
