Avokati serb, Çedomir Stojkoviq, i cili kishte bërë homazhe në Prekaz, ka reaguar ndaj zhvillimeve të fundit rreth vendimit të BQK-së, që në Kosovë do të përdoret vetëm valuta euro.
Ai ka shkruar në platformën ‘X’, se si ndodh që valuta i dëbon serbët vetëm nga Kosova dhe jo nga Banja Luka.
“Pse Beogradi nuk foli për “spastrim etnik dhe sulm ndaj serbëve” kur, Sllovenia prezantoi Tolar,- Maqedonia denar, Kroacia Kunu, Bosnja Markën, Mali i Zi, Austria dhe Gjermania Euron. Si ndodh që valuta i dëbon serbët vetëm nga Kosova dhe jo nga Banja Luka, Herceg Novi dhe Vjena?, ka shkruar ai.
Ndryshe avokati serb Çedomir Stojkoviq, pas homazheve në Prekaz po vazhdon të maltretohet nga autoritetet serbe.
