Presidentja e Republikës së Kosovës, Vjosa Osmani, në 16 vjetorin e pavarësisë së Kosovës, ka pranuar telegram urimi nga Mbreti i Mbretërisë së Bashkuar, Charles III.
Në letrën e tij, Mbreti Charles III ka thënë se vlerëson lidhjen në mes të shteteve tona, duke theksuar se shpreson se do të vazhdojë bashkëpunimi i ngushtë në çështjet e rëndësishme globale, nga të cilat do të përfitojnë brezi ynë i ardhshëm.
“Ndërsa ju dhe populli i Republikës së Kosovës festoni rastin e veçantë të Ditës suaj të Pavarësisë, unë dhe gruaja ime kemi kënaqësi të madhe t’i përcjellim urimet tona të përzemërta Shkëlqesisë Juaj dhe popullit kosovar. Unë e vlerësoj lidhjen midis kombeve tona dhe shpresoj se vendet tona mund të vazhdojnë të punojnë ngushtë së bashku për çështje të rëndësishme globale, qofshin ato paqja dhe prosperiteti, apo mjedisi dhe ndryshimet klimatike, të cilat do të përfitojnë brezat tanë të ardhshëm për vitet në vijim”, thuhet në të tjera në telegramin e Mbretit Charles III. /Kosovatimes/
