Presidenti i Serbisë, Aleksandar Vuçiq, në një intervistë për agjencinë Tass deklaroi se synon të vazhdojë të udhëheqë një politikë të pavarur në lidhje me mosvendosjen e sanksioneve kundër Rusisë, pavarësisht presionit të madh nga Perëndimi.
“Ne arritëm ta bëjmë këtë për dy vjet. Nuk e di nëse do të vazhdojmë ta bëjmë këtë, por shpresoj se po”, tha Vuçiq, duke kujtuar se kur filloi konflikti në Ukrainë, ai tha se nuk e di se si do të zhvillohen ngjarjet dhe se më pas u vendos në në nivel shtetëror se Serbia, si gjithë të tjerët, e dënon konfliktin, por se qëndrimi i Serbisë është të mos vendosë sanksione.
Ai deklaroi se ne e dimë se si është kur të vendosen sanksione dhe se do të ishte e padrejtë ta bësh këtë ndaj popullit rus, i cili është miqësor me ne.
“Unë u thashë serbëve se nuk mund ta garantoja këtë sepse nuk e dija se si do të ishte presioni në të ardhmen.” Nuk doja të luaja heroin për një, dy ose tre ditë dhe pastaj të ndryshoja mendje. Por ajo që them është “nuk e di”, dhe kur them nuk e di, atëherë fjala ime është më e vlefshme se premtimi i vendosur i kujtdo”, tha Vuçiq.
Vuçiq shtoi se janë në çdo event në nivel ndërkombëtar ku është prezente tema kryesore e sanksioneve ndaj Rusisë.
