Me urdhër të Prokurorisë Speciale, Policia e Kosovës ka ndërmarr një aksion në shtatë lokacione të ndryshme të Kosovës, ku janë arrestuar shtatë persona të dyshuar për vepra të ndryshme penale.
Sipas njoftimit aksioni është zhvilluar në shtatë lokacione të ndryshme, derisa personat e dyshuar janë ndaluar për përfshirje në kryerjen e veprave penale, ‘’Hyrje në sistemet kompjuterike’’, ‘’Mashtrimi’’ dhe ‘’Shpëlarje e parave’’.
Prokuroria Speciale dhe Policia e Kosovës ka njoftuar se gjatë këtij aksioni janë sekuestruar disa vetura, armë, municion, mjete të konsiderueshme materiale, si dhe prova të tjera materiale të cilat dyshohen se janë përdorur për kryerjen e veprave penale.
