Deputeti i Lëvizjes Vetëvendosje, Mefail Bajqinovci, ka qenë sot në Mitrovicë të veriut, nga ku ka deklaruar se shteti po forcohet edhe në veri të vendit. Bajqinovci përmes një video ka thënë se rrugët e kësaj pjese që dikur kontrolloheshin nga “Rojat e Urës”, sot janë të lira për qytetarët.
“Shteti i Kosovës po forcohet edhe në këtë pjesë të territorit duke e shtrirë sovranitetin. U vendosën targat RKS, banorët e veriut janë pajisur me dokumente të Kosovës dhe dinari po largohet”, thekson ai ndër të tjera në videon e publikuar në platformën X.
Megjithatë, ai ka adresuar edhe kritika për mungesë të të arrestuarve dhe të ngritjes së aktakuzave për sulmet ndaj institucioneve të Kosovës në këtë pjesë të vendit. /Kosovatimes/
