Presidenti i Ukrainës, Volodymyr Zelensky, ka falënderuar presidentin e Shqipërisë, Bajram Begaj për mbështetjen dhe solidaritetin e treguar në dy-vjetorin e pushtimit nga agresioni rus.
“Ne vlerësojmë mbështetjen e Shqipërisë dhe presim me padurim sigurimin e një të ardhmeje paqësore evropiane si për vendet tona ashtu edhe për Evropën në tërësi”, ka replikuar Zelensky në X.
Begaj kishte bërë një postim ku kishte shprehur përkrahjen shtetërore duke thënë se rreshtohen përkrah luftës së guximshme të popullit ukrainas për liri, dinjitet dhe sovranitet.
“Ne mbetemi aleatë të palëkundur të Ukrainës, duke mbrojtur së bashku këto parime universale”, kishte shkruar Begaj. /Kosovatimes/
