Kolektivi “Marshojmë s’festojmë” kanë protestuar sot si pakënaqësi ndaj mos votimit të projektligjit për shëndet riprodhues dhe fertilizim të asistuar në Kuvendin e Kosovës.
Me pankarta si “Deputetët/et s’kanë mandat me i cënu trupat tanë”, “A e prish familjen IVF në spitale private?” ato kanë shprehur indinjatën e tyre ndaj deputetëve.
Madje ato kanë kërkuar edhe shkarkimin e kryetares së Komisionit për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, Duda Balje me mbishkrimin “Shkarkojeni Duda Baljen!”.
Përfaqësueset e organizatave feministe kanë përmendur edhe emra të deputetëve të tjerë të cilët kanë kundërshtuar këtë projektligj.
