Presidentja e Kosovës, Vjosa Osmani, në kuadër të Forumit Diplomatik të Antalisë në Turqi është takuar me homologun e saj Rexhep Taip Erdogan.
Osmani ka falënderuar presidentin Erdogan për miqësinë, përkushtimin dhe mbështetjen ndaj Kosovës.
Osmani ka shprehur kënaqësi për ri konfirmimin punës së përbashkët me Erdoganin për thellimin e raporteve bilaterale dhe fuqizimin e lidhjeve ndërmjet vendeve dhe qytetarëve.
Ndryshe presidentja e Kosovës, Vjosa Osmani, dje në Forumin Diplomatik të Antalisë tha se Kosova ka shumë plagë të hapura nga lufta.
“Kemi tejkaluar pushtimin shekullor, kemi qenë viktima të gjenocidit për shumë vite, viktima të krimeve të luftës, kemi numrin më të madh të fëmijëve të vrarë në luftërat e Ballkanit, kemi qindra gra të përdhunuara. Përkundër kësaj dhimbjeje, kemi zgjedhur rrugën e dialogut, rrugën paqësore”, tha ajo, raporton RTKlive.
Presidentja e Kosovës, Vjosa Osmani, ka vlerësuar lart ndihmën e partnerëve ndërkombëtarë në avancimin e diplomacisë në vend.
Po ashtu Osmani është takuar edhe me ish-Presidentin e Sllovenisë Borut Pahor në Turqi, ku kanë biseduar për situatën në rajon dhe në mënyrë specifike për atë që Pahor e ka cilësuar si ngërç në dialogun mes Kosovës dhe Serbisë.
