Real Madrid ka paraqitur një ankesë në Zyrën e prokurorit të shtetit pas thirrjeve raciste nga tifozët e Atletico Madridit dhe të Barcelonës drejtuar Vinicius Jr, ka njoftuar klubi i La Liga të premten.
Të enjten, Vinicius i ka bërë thirrje UEFA-s të ndëshkojë Atleticon për thirrjet raciste para ndeshjes kundër Interit të mërkurën në Champions League.
Një video e postuar në rrjetet sociale ka treguar tifozët e Atletikos jashtë stadiumit “Metropolitano” në Madrid duke bërë thirrje raciste me target sulmuesin e Real Madridit.
“Real Madrid dënon këto sulme dhe u bën thirrje prokurorëve që të kërkojnë regjistrimet e disponueshme në mënyrë që të identifikojnë autorët e abuzimit”, ka thënë klubi.
