Presidentja Vjosa Osmani ka reaguar pas kalimit të pikës së raportimit për anëtarësimin e Kosovës në Këshillin e Evropës, në takimin e Komitetit për Politikë të Jashtme dhe Demokraci, që u mbajt sot në Paris.
E para e shtetit ka thënë se institucionet e vendit do të vazhdojnë të punojnë me aleatët drejt anëtarësimit në KiE.
“Edhe një hap. Pas miratimit të raportit në Komitetin për Politikë të Jashtme dhe Demokraci, tani anëtarësimi i Kosovës në KiE do të vazhdojë në Asamblenë Parlamentare. Ne do të vazhdojmë të punojmë me aleatët për të siguruar që të gjithë qytetarët tanë të kenë akses të drejtë në instrumentet e KiE përmes anëtarësimit të plotë të Kosovës”, ka shkruar Osmani në platformën X. Raporti në Komisionin për Politikë dhe Demokraci në Asamblenë Parlamentare të Këshillit të Evropës ka kaluar me 31 vota për, 4 kundër e 1 abstenim. /Kosovatimes/
One more step ✅
Following the approval of the Report by @PACE_Political, Kosovo's accession to the @coe will now proceed to @pace_news.
We'll continue to work with allies to ensure that all our citizens get their rightful access to CoE instruments through 's full membership.
— Vjosa Osmani (@VjosaOsmaniPRKS) March 27, 2024
