Presidentja Vjosa Osmani ka ngushëlluar familjen, të afërmit, kolegët dhe komunitetin sportiv për ndarjen nga jeta të profesoreshës Shqipe Bajçinca-Brestovci.
Osmani tha se kontributi profesoreshës në edukimin e brezave të rinj, por edhe në zhvillimin e sportit kosovar është i jashtëzakonshëm.
“Me dhimbje të thellë e pranuam lajmin për ndarjen e hershme nga jeta të profesoreshës së Fakultetit të Edukatës Fizike të Universitetit të Prishtinës, Shqipe Bajçinca – Brestovci, e cila njëherësh ka bartur disa pozita në periudha të ndryshme, në organizata sportive brenda e jashtë Kosovës. Kontributi i saj në edukimin e brezave të rinj , por edhe në zhvillimin e sportit kosovar është i jashtëzakonshëm, ndaj do të kujtohet përherë si pjesë e kësaj historie”, thuhet në njoftimin e zyrës për informim të Presidencës.
Osmani shpreh ngushëllime të sinqerta familjes, të afërmve, kolegëve dhe komunitetit sportiv.
Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes, thuhet në këtë njoftim. /Kosovatimes/
