Një qytezë franceze ka nxitur interesimin e planifikuesve të qyteteve në tërë botën pasi që u dizajnua në mënyrë të tillë që shtëpitë të jenë rezistent e ndaj vërshimeve.
Vërshimet çdo herë e më të shpeshta dhe më të fuqishme, kanë nxitur zyrtarët e shumë qyteteve të botës të interesohen për një qytezë franceze e cila u ndërtua në mënyrë të tillë, që shtëpitë e saj të jenë rezistente ndaj vërshimeve.
Qyteza Romartin, e cila në historinë e saj u vërshua shumë herë, 15 vite më parë vendosi të ndërmerr masa dhe angazhoi një kompani e cila dizajnoi lagje të tëra në mënyrë të tillë që ato të përballojnë edhe vërshimet më të fuqishme.
Kopshtet, pasi janë në nivelin më të ulët, janë krijuar si zona alarmi për banorët e shtëpive të cilat janë të ngritura në këmbaleca dhe kanë të ashtuquajtura, kopshte të fundosura të cilat e absorbojnë ujin. Urat e vogla për këmbësor ofrojnë akçes në parkun dhe rrugën e ngritur mbi nivele që mund t’i arrin uji.
Dizajni u tregua tejet i suksesshme në vitin 2016 kur vërshimet më të fuqishme në dekada goditën këtë pjesë të Francës dhe të gjitha shtëpitë në lagjet e ndërtuara në këtë mënyrë, mbeten tërësisht të thata dhe të padëmtuara.
Interesimi për këto ndërtime vije edhe për shkak të presionit financiar. Me vërshime çdo herë më të shpeshta dhe pa parashikueshme për shkak të ndryshimeve klimatike, ndërtimi i lagjeve që janë rezistente ndaj vërshimeve, posaçërisht në zonat më të rrezikuara, është mënyrë më e lirë dhe më e sigurt se sa rindërtimi dhe riparimi i dëmeve. /rtk/
