Trajneri i Sporting CP, Ruben Amorim, e ka mohuar se ka biseduar me Liverpool për ta marrë drejtimin e skuadrës.
Tashmë është fakt i ditur që trajneri gjerman Jurgen Klopp nga edicioni i i ardhshëm nuk do të jetë te skuadra angleze dhe disa emra janë përmendur si zëvendësues të tij. Në mesin e atyre që u është lakuar emri është edhe trajneri portugez. Mirëpo ai ka reaguar duke theksuar se nuk ka diskutuar asnjëherë me dikë nga Liverpool.
“Unë nuk e kam takuar dikë nga Liverpool për ndonjë diskutim dhe nuk ka marrëveshje, nuk është e vërtetë”. “Unë jam trajner te Sporting, dua të fitoj këtu dhe nuk kam takuar asnjë klub. Asgjë nuk është rënë dakord. Të ndalohet me këto histori. Është hera e fundit që flas për të ardhmen time”, ka thënë ai.
