Qytetarë të anketuar nga Radio Evropa e Lirë në Prishtinë kanë qëndrime të ndryshme sa i përket vendimit të Qeverisë së Kosovës për të mos shtyrë zbatimin e vendimit për targat e paligjshme serbe.
Qeveria e Kosovës njoftoi më 28 tetor se vendimi për riregjistrimin e automjeteve – kryesisht në veri – me targa të Republikës së Kosovës, do të bëhet në tri faza, nisur nga 1 nëntori.
ShBA-ja dhe BE-ja u shprehën të zhgënjyera për mosshtyrjen e këtij vendimi për dhjetë muaj, ashtu siç kërkuan ato.
