Policia thotë se vetëm një i dyshuar jetonte në Austri, në komunën Strass im Attergau, dhe dyshohet se ishte i përfshirë në rishitjen e makinave. Kur gjente “shënjestra” të favorshme, ftonte dy të tjerët, të cilët do të udhëtonin nga Bosnja dhe Hercegovina posaçërisht për vjedhjet.
Arrestimi i tre shtetasve të Bosnjës dhe Hercegovinës paraqet një sukses të madh të policisë austriake sepse kjo treshe ka arritur të kryejë 60 vjedhje në vetëm pak muaj dhe ka vjedhur plaçkë në vlerë prej gjysmë milioni eurosh, njofton policia austriake.
Gjegjësisht, siç raportojnë mediat austriake, hetuesit fillimisht kanë vërejtur një numër të pazakontë të vjedhjeve në afërsi të Salzburgut, dhe deri në gjashtë janë regjistruar brenda një nate. Ky ka qenë një alarm serioz për ta dhe kanë nisur të hetojnë dhe monitorojnë ngjarjet rreth pallateve. Në një moment hetimet janë fokusuar tek i dyshuari 56-vjeçar dhe dyshimet e tyre janë vërtetuar kur kanë pritur në pritë për 14 orë dhe në fund e kanë arrestuar në një parking.Policia thotë se vetëm një i dyshuar jetonte në Austri, në komunën Strass im Attergau, dhe dyshohet se ishte i përfshirë në rishitjen e makinave. Kur gjente “shënjestra” të favorshme, ftonte dy të tjerët, të cilët do të udhëtonin nga Bosnja dhe Hercegovina posaçërisht për vjedhjet.Në dhomën e banesës së marrë me qira nga i dyshuari, janë gjetur mjete të sofistikuara për vjedhje, rroba të errëta, këpucë të dizajnuara posaçërisht për vjedhje, si dhe karta kroate me parapagesë.
