Deputetja finlandeze, Tytti Tuppurainen, ka takuar presidenten Vjosa Osmani.
Tuppurainen, në një postim në “X” ka shkruar se Evropa do të humbiste një mundësi të madhe nëse Kosova nuk pranohet si anëtare e Këshillit të Evropës.
Ajo më tej ka theksuar se nuk duhet të ketë parakushte shtesë për anëtarësim.
“Evropa do të humbiste një mundësi të madhe nëse Kosova nuk pranohet si anëtare e Këshillit të Evropës. Bëhet fjalë për të drejtat e njeriut në një shoqëri multietnike dhe bashkëpunim të bazuar në rregulla. Nuk duhet të ketë parakushte shtesë! Është koha për të vepruar. Takimi i shkëlqyer me presidenten Vjosa Osmani”, ka shkruar Tuppurainen.
Po ashtu deputetja finlandeze ka takuar edhe Zëvendëskryeministrin Besnik Bislimi.
Në takimin me Bislimin ajo ka thënë se Kosova i përket familjes evropiane. /Kosovatimes/
Europe would waste a huge opportunity if Kosovo is not accepted as member of the Council of Europe. It is about human rights in a multiethnic society and rules based cooperation. There should be no extra preconditions! It’s time to act. Great meeting with @VjosaOsmaniPRKS pic.twitter.com/7Hdi5jbCaQ
— Tytti Tuppurainen (@TyttiTup) April 25, 2024
