Fiorentina është finalisti i parë i Conference League.
Skuadra italiane ka barazuar të mërkurën në ndeshjen e dytë gjysmëfinale kundër ekipit belg, Club Brugge.
Takimi i zhvilluar në stadiumin “Jan Breydel” është mbyllur me rezultat 1-1.
De Cuyper i ka dhënë epërsinë skuadrës vendase në minutën e njëzetë. Me avantazh minimal ka përfunduar edhe pjesa e parë.
Kur është krijuar përshtypja se pas rezultatit të barabartë nga të dy ballafaqimet, ndeshja do të shkonte në vazhdime, në skenë ka dalur Beltran (84′), i cili ka realizuar nga penalltia dhe ka shuar ëndrrën e skuadrës së drejtuar nga Nicky Hayen.
Ndeshja e parë në Itali ishte mbyllur me rezultat 3-2 në favor të Fiorentinas. Kësisoji rezultati agregat është 4-3 në të mirë të ekipit të drejtuar nga Vincenzo Italiano.
Pas kualifikimit në finale, skuadra italiane do të ballafaqohet me fituesin e takimit ndërmjet Olympiacos dhe Aston Villa.
