Barcelona ka marrë një fitore të rëndësishme 2-0 kundër Real Sociedad në La Liga.
Në një përballje në “Estadi Olímpic Lluís Companys”, Real Sociedad e ka nisur ndeshjen guximshëm duke krijuar disa raste të mira, përfshirë përpjekjet e Sheraldo Becker , por megjithatë Barcelona ka shfrytëzuar shansin e saj në fund të pjesës së parë me Yamal, i cili edhe ka sjellë epërsinë për katalanasit.
Në kohën shtesë, Barcelona ka shënuar golin e dytë, pasi Raphinha është treguar i saktë nga penalltia, duke bërë që ky të ishte edhe epilogu i takimit.
Pas kësaj fitore, Barcelona gjendet në vendin e dytë në tabelën e La Ligas, duke pasur 76 pikë, një më shumë se rivali i tyre, Girona, që ndodhet në vendin e tretë. Në krye të tabelës gjendet Real Madrid me 90 pikë, që tashmë ka fituar kampionatin.
