Japonezët janë njohur gjithmonë si një popull jetëgjatë. Megjithatë, sekreti i jetëgjatësisë së tyre nuk qëndron në ndonjë përbërës të veçantë, por në faktin se ata janë shumë të disiplinuar dhe trupin e tyre e konsiderojnë tempull të shenjtë.
Megjithatë, një terapi japoneze nga mjekësia popullore ka pushtuar botën dhe i referohet pirjes së duhur të ujit gjatë ditës.
Konsumimi i pamjaftueshëm dhe i papërshtatshëm i ujit është shpesh shkaktar për sëmundjet e veshkave, trurit, muskujve, sistemit nervor, metabolizmit, rregullimit të temperaturës së trupit, funksionimit normal të kyçeve dhe sistemit kockor.
Përveçse është i domosdoshëm për shëndetin dhe pa të, pastrimi apo detoksifikimi i trupit është i pamundur, uji ndikon shumë edhe në energjinë tonë. Duhet ta keni vënë re duke parë detin, liqenin apo lumin se sa shumë ju relakson pamja e ujit. Gjithashtu, noti lehtëson tensionin e muskujve, qetëson dhe largon energjinë negative. Sipas mjekësisë popullore dhe natyrore japoneze, duhet të pini një gotë ujë menjëherë pas zgjimit. Në mëngjes pini 4 gota ujë, nga 150 mililitra, me një pushim prej 5-7 minutash. Pas kësaj, mos hani ose pini asgjë për 45 minuta, dhe më pas shpërndani rreth 2.5 litra ujë gjatë gjithë ditës.
Mos pini ujë shumë të ftohtë ose shumë të nxehtë – temperatura e tij duhet të jetë e ngjashme me temperaturën e trupit. Mund të hidhni pak lëng limoni në gotën me ujë të mëngjesit, nëse nuk keni probleme me stomakun, sepse ky kombinim ka rezultuar shumë i suksesshëm për përshpejtimin e metabolizmit dhe humbjen e peshës. Siç thonë japonezët, kjo metodë largon stresin, largon kilogramët e tepërt, ju jep më shumë energji dhe përshpejton metabolizmin.
