Policia e Kosovës ka arrestuar edhe të dyshuarin e dytë në lidhje me rastin e plagosjes së dy personave në Ferizaj, që kishte ndodhur më 26 prill.
Pas arrestimit të të dyshuarit kryesor (A.D. i moshës 31-vjeç), më 28 prill, hetuesit rajonal kanë arritur që të vënë nën pranga edhe të dyshuarin e dytë të kësaj ngjarjeje. “Më datën 16.05.2024 rreth orës 20:40 hetuesit rajonal kanë arrestuar edhe të dyshuarin e dytë të kësaj ngjarje SH.K (M/K) i moshës 28 vjeçar, i cili në prani të avokatit mbrojtës është intervistuar nga hetuesit rajonal, ndërsa me vendim të prokurorit të rastit është ndaluar në mbajtje për 48 orë për procedura tjera hetimore, ndërsa hetuesit rajonal kanë zgjeruar hetimin për kapjen edhe të personave tjerë, si të dyshuar të mundshëm për rastin e datës 26.04.2024”, thuhet në njoftimin e policisë. /Kosovatimes/
