Presidenti rus Vladimir Putin tha sot se qëllimi i ofensivës ruse në rajonin e Kharkiv në Ukrainë është krijimi i një zone tampon, por jo pushtimi i kryeqytetit me të njëjtin emër në atë rajon.
“Kam thënë publikisht se nëse vazhdon kështu, do të detyrohemi të krijojmë një zonë të sigurisë, sanitare”, tha ai.
Putin vlerësoi se ushtria ruse “arrin rezultate çdo ditë” në betejat në rajonin e Kharkiv, se “po përparon sipas planit” dhe se tani për tani Rusia nuk po planifikon të pushtojë Kharkivin.
Më 9 maj, Moska nisi një ofensivë të papritur në rajonin e Kharkiv dhe tashmë ka pushtuar pjesën më të madhe të territorit në një vit e gjysmë të fundit.
Ministria e Mbrojtjes e Rusisë njoftoi se më shumë se 100 dronë ukrainas që sulmuan jugperëndimin e territorit rus dhe gadishullin e Krimesë u shkatërruan ose u kapën mbrëmë.
Ministria tha se ushtria shkatërroi 51 dronë të drejtuar në Krime, 44 mbi rajonin Krasnodar, gjashtë mbi rajonin Belgorod dhe një mbi rajonin Kursk, si dhe shkatërroi gjashtë anije automatike në Detin e Zi.
